“Do ketë sanksione”, SHBA reagon pas miratimit të ligjit rus nga Gjeorgjia

Zëdhënësi i Departamentit Amerikan të Shtetit, Matthew Miller, tha se Shtetet e Bashkuara nuk do të hezitojnë të vendosin sanksione ndaj Gjeorgjisë për shkak të Ligjit për transparencën e ndikimit të huaj, i cili hyri në fuqi dje në atë vend pasi u nënshkrua nga kryeparlamentari Shalva Papuashvili.

Miller tha në një konferencë shtypi se SHBA është “shumë e shqetësuar për një ligj që e zhvendos Gjeorgjinë nga rruga e saj demokratike dhe mund të stigmatizojë shoqëritë civile dhe të mbysë lirinë e tubimit dhe lirinë e fjalës”.

Ai kujtoi se Sekretari Amerikan i Shtetit Anthony Blinken njoftoi një rishikim gjithëpërfshirës të marrëdhënieve me Gjeorgjinë, i cili potencialisht do të kërcënojë miliona dollarët që vendi merr nga SHBA, si dhe politikën e re të vizave që do të hyjë së shpejti në fuqi. shpallur në faqen e internetit të Departamentit të Shtetit.

Sipas një ligji që hyri në fuqi dje në Gjeorgji, OJQ-ve që marrin më shumë se 20 për qind të financimit të tyre nga jashtë do t’u kërkohet të regjistrohen si “agjente të ndikimit të huaj”.

Qeveria e Gjeorgjisë pretendon se ligji është i nevojshëm për të ruajtur transparencën dhe për të parandaluar që vendi të hyjë në një konflikt me Rusinë.

Miratimi i ligjit u pasua me protesta masive nga opozita dhe qytetarët.

LEXONI GJITHASHTU:

• Kryeministri gjeorgjian kërkon të rishikohen marrëdhëniet me SHBA-në
• Në Gjeorgji vijojnë protestat, qytetarët kundër ligjit rus dhe valës së arrestimeve