“Do ta le studion, keni ardhur për zhurmë”, Shabani debat me Bushatin e Kadian

Endri Shabani kryetar i Nismës Thurje është përplasur më Besard Kadian, zv.ministrit të Ekonomisë dhe me ish-deputetin e PS-së Ervin Bushati ndërsa flitej për Portin e Durrësit.

I ftuar në emisionin “Now” në Euronews Albania”, Shabani tha se do të largohet nga studio duke shtuar se Bushati e Kadia kanë ardhur vetëm për të bërë zhurmë.

Ndër të tjera ai theksoi se mazhoranca do të falë tokën në Durrës që ka një rol të rëndësishëm në vendin tonë.

Pjesë nga debati:

Shabani: Çfarë ndodh me një njeri që i sjellë një gjë të mirë shqiptarëve, gjëja e parë që ndodh është se e kalon në referendum. Është një investim shumë i madh. Do falin një tokë që ka një rol historik. Pasi kalohet në referendum bëhet një procedurë normale ligjore, pse duhet të bëhet një procedurë e përshpejtuar. Kjo do të thotë që ka një nxitim.

Kadia: Nuk është as tender dhe as asgjë

Shabani: E keni seriozisht këtë?

Kadia: Po po, po ti e kupton se çfarë po flet

Shabani: A të iki unë, këta kanë ardhur për zhurmë.