Donald Trump: Bordi i Paqes do të mbikëqyrë Kombet e Bashkuara

Donald Trump deklaroi sot se Bordi i tij i Paqes planifikon të bashkëpunojë “shumë ngushtë” me Kombet e Bashkuara (OKB) në të ardhmen, duke shtuar se ky organ do të ketë një rol mbikëqyrës ndaj institucionit ndërkombëtar.

Deklarata vjen në një kohë kur disa vende aleate, përfshirë Vatikani, kanë shmangur anëtarësimin në bord, me arsyetimin se një strukturë e tillë mund të uzurpojë kompetencat e OKB-së.

“Mendoj se Kombet e Bashkuara kanë potencial të madh, me të vërtetë potencial të madh,” tha Trump. “Bordi i Paqes do të mbikëqyrë pothuajse Kombet e Bashkuara dhe do të sigurohet që ato të funksionojnë siç duhet.”

Presidenti theksoi gjithashtu se nëse OKB-ja do të ketë nevojë për ndihmë “në aspektin financiar”, Bordi i Paqes është i gatshëm të ndërhyjë, duke sugjeruar një rol më të gjerë të këtij organi në çështjet ndërkombëtare.