Donald Trump reagon për vdekjen e Navalnyt, e krahason me telashet e tij politike

Ish presidenti Donald Trump, i cili është kritikuar për shkak të lëvdatave për presidentin rus Vladimir Putin, bëri komentin e tij të parë publik në lidhje me vdekjen e udhëheqësit opozitar rus Alexei Navalny, duke shkruar  një mesazh  në mediat sociale, ku nuk fajëson askënd.

“Vdekja e papritur e Alexei Navalny-it më ka bërë gjithnjë e më të ndërgjegjshëm për atë çfarë po ndodh në vendin tonë”, shkroi Trump në median sociale ku duket se lidh vdekjen e zotit Navalny me problemet e tij politike.

“Është një zhvendosje e ngadaltë, e vazhdueshme, me Politikanë të Majtë Radikalë TË PANDERSHËM dhe gjykatës që po na udhëheqin në një rrugëtim drejt shkatërrimit. Kufijtë e Hapur, Zgjedhjet e Manipuluara dhe Vendime Gjykate Jashtëzakonisht të Padrejta, po e shkatërrojnë Amerikën. JEMI NJË VEND NË RËNIE, NJË VEND QË PO DËSHTON! MAGA2024”, shkroi Trump.

Të premten, presidenti Joe Biden fajësoi drejtpërdrejt presidentin rus Putin për vdekjen e Navalny në burgun në Rrethin Arktik dhe po kështu veproi edhe rivalja kryesore republikane e, Nikki Haley. Shumë liderë botërorë reaguan për vdekjen e Navalny duke kërkuar përgjigje nga presidenti rus Vladimir Putin.

LEXONI GJITHASHTU:

• Çfarë shkruante Navalny për Donald Trump në letrat e tij të fundit
• BE-ja bën thirrje për një hetim ndërkombëtar të vdekjes së Navalnyt
• Autoritetet ruse nuk lejojnë nënën e Navalny të marrë trupin e djalit të saj