Donald Trump sfidon gjyqtarin, mban 6 minuta fjalim në sallën e gjyqit në New York

Ish-presidentit Donald Trump i ishte ndaluar mbante një fjalim përfundimtar pasi gjyqi i tij për mashtrim civil përfundoi.

Sipas mediave të huaja, Trump është paditur nga shteti i Nju Jorkut për gati 370 milion dollarë (291 milion £).

Donald Trump ka marrë pjesë në një gjykatë të Nju Jorkut për argumentet përfundimtare të këtij rasti të mashtrimit civil, duke e quajtur atë ‘një gjyq të montuar’.

Trump sfidoi një gjykatës dhe filloi një fjalim gjashtë-minutësh, ku pretendonte se ishte një “njeri i pafajshëm” ndërsa gjyqi i tij për mashtrim civil në Nju Jork përfundoi sot.

Atij i ishte ndaluar të jepte një argument zyrtar në mbyllje të gjyqit, por pasi dy nga avokatët e tij mbajtën fjalimet tradicionale, njëri pyeti nëse ish-presidenti amerikan mund të fliste.

Gjykatësi më pas e pyeti Trumpin nëse ai kishte ndonjë vrejtje, ndërkohë që ai akuzoi gjykatësin se nuk e kishte dëgjuar.

“Ne kemi një situatë ku unë jam një njeri i pafajshëm,” tha Trump.

“Unë jam duke u persekutuar nga dikush që kandidon për një post”.

“Ky është një mashtrim me mua. Ajo që ka ndodhur këtu, zotëri, është një mashtrim me mua,” tha ai më vonë, përpara se t’i thoshte gjyqtarit Arthur Engoron: “Unë e di se kjo po ju mërzit.”

Njërit prej avokatëve të zotit Trump iu tha më pas “kontrolloni klientin tuaj”.

Gjykatësi e la Trump të fliste pothuajse tërësisht pa ndërprerje për gjashtë minuta, më pas ia ndërpreu fjalën dhe e la për drekë.

Disa orë para argumenteve përmbyllëse, Engoron ishte subjekt i një kërcënimi me bombë, raportoi rrjeti partner amerikan i Sky News, NBC News.

Policia në kontenë Nassau – në lindje të qytetit të Nju Jorkut – iu përgjigj kërcënimit në shtëpinë e tij të enjten në mëngjes, sipas një burimi me njohuri të drejtpërdrejtë të situatës.

Nuk dihet se gjyqtari ishte në shtëpi në atë moment.

Engoron do të nxjerrë një verdikt në një datë të mëvonshme pa një juri, pasi ai e gjeti Trump përgjegjës për mashtrim në shtator – duke e lënë gjyqin të fokusohet në sasinë e parave që ai duhet të dorëzojë si fitime të marra në mënyrë të paligjshme.

Padia, e paraqitur nga prokurorja e përgjithshme e Nju Jorkut, Letitia James, pretendon se zoti Trump dhe bashkëpunëtorët e tij kanë fryrë vlerën e aseteve të tij me miliarda dollarë për të siguruar kushte më të mira të huasë.

Shteti i Nju Jorkut po kërkon gati 370 milionë dollarë (291 milionë funte) nga ish-presidenti si gjobë.

Trump e ka dënuar rastin si një gjueti politike shtrigash dhe ka mohuar keqbërjen.

Padia është vetëm një nga problemet e shumta ligjore me të cilat përballet Trump ndërsa bën fushatë për të sfiduar Presidentin Joe Biden në zgjedhjet e nëntorit 2024.

Trump është deklaruar i pafajshëm në katër ndjekje penale, duke përfshirë dy që e akuzojnë atë për përpjekje të paligjshme për të anuluar humbjen e tij në zgjedhjet e vitit 2020 ndaj zotit Biden.

Të gjithë mund të shkojnë në gjyq përpara zgjedhjeve të këtij viti.

LEXONI GJITHASHTU:

• ‘Goditje’ për Trump, kandidati republikan del nga gara e primareve. Kush favorizohet
• A është imun nga ndjekja penale Trump? Gjykatësit e Apelit në SHBA japin qëndrimin