‘Donte vaksinë pa radhë’, mjeku tregon si u dhunua në urgjencën e Infektivit

Mjeku Gent Stroni tregoi një rast ku ka rënë pre e dhunimit nga familjari i një pacienteje.

Në emisionin “Sot” në “Euronews Albania”, Stroni u shpreh se teksa po punonte në ugjencën e Infektivit, një person donte që vaksina e gripit të së shoqes të kryhej pa radhë.

Stroni tha se është goditur fizikisht dhe ofenduar nga personi në fjalë.

“Unë kam pasur një rast dhe u mbajtën disa protesta. Ligji ndryshoi nga një gjobitje për agresorin, në heqje lirie nga dy në shtatë vjet. Por a ka pasur mbas kësaj, raste të tilla? Sigurisht që ka pasur, vazhdojnë presionet, dhuna e me radhë, por a është dënuar njeri?

Ka qenë viti 2018, kam qenë në urgjencë. Një familjar që pretendonte të bënte jashtë radhe vaksinën e gripit të së shoqes, ndërkohë që ajo bëhet në mënyrë ambulatore. Bëhet fjalë për urgjencën e Infektivit, i them që do duhet të prisni në radhë dhe do t’ju shërbejmë. Kërkonte urgjencë, e dua tani dhe s’ka. Kjo shkaktoi konfliktin, goditje fizike dhe fyerje. Isha i detyruar ta vazhdoja punën”, theksoi ai.

LEXONI GJITHASHTU

• Allkja: Mjekët nuk duhet të dhunohen edhe nëse s’kanë bërë sa duhet
• Infermierët paralajmërojnë protestë, Skënderi: Dhuna ndaj tyre, rast i përsëritur
• ‘Të harruar dhe abuzuar nga shteti’, infermierët: Do të dalim në protestë