“Dorëheqje, dorëheqje”- Prindër e qytetarë në protestë për 14-vjeçarin

Protesta për vrasjen e 14-vjeçarit M.C. është zhvendosur nga shkolla e të miturit drejt Ministrisë së Arsimit, ku prindër, nxënës e qytetarë të shumtë kërkuan dorëheqjen e ministres. Me thirrjet dorëheqje, dorëheqje një nga protestueset u shpreh:

“Dorëheqje, dorëheqje. Unë kam një vëlla në gjimnaz dhe sot jam e tmerruar dhe kam frikë se vëllai im nuk do më vijë gjallë në shtëpi. Çfarë na duhet cilësia e arsimit kur ne nuk jemi të sigurtë në shkolla, nuk jemi të sigurtë në rrugë, nuk jemi të sigurtë as në shtëpi. Ministrja nuk mban as një minut heshtje, nuk ka përgjegjësi insitucionale, morale… dorëheqje, dorëheqje”.

“Deri kur do të presim që këta të ikin, deri kur arkivoli do vi në shtëpinë tonë? Jemi të pasigurt pasi çdo ditë ka një atentat, çdo ditë vriten të pafajshëm sepse këtu është normalizuar dhuna duke u kthyer në insitucion, me dhunë matet mënyra nëse je apo jo i suksesshëm”, tha e reja duke vijuar me kërkesën për dorëheqje.

LEXONI GJITHASHTU:

• Vrasja e 14-vjeçarit, prindërit me lot në sy protestojnë te shkolla “Fan Noli”

“Pse s’kërkojnë falje prindërit e autorit që vrau 14-vjeçarin”? Dyshimet e gazetarit