Dorëzimi i listës së kandidatëve në KQZ, Gazment Bardhi: Afatet na i cakton ligji, jo komisioneri

Sekretari i Përgjithshëm i Partisë Demokratike, Gazment Bardhi, i pranishëm në Euronews Albania foli për listat e kandidatëve për deputetë në zgjedhjet e 25 prillit.

Ai u shpreh se afatet kohore për të dorëzuar listën finale në Komisionin Qendror të Zgjedhjeve e përcakton ligji dhe jo komisioneri.

Sipas tij, Partia Demokratike ka procedurat e veta të brendshme për të miratuar emrat e kandidatëve, ndërsa shtoi se selia blu pritet të mbledhë Këshillin Kombëtar të partisë, organ ky, i cili ka tagrin të certifikojë në mënyrë përfundimtare emrat e kandidatëve për deputetë.

“Së pari ne detyrimet na i përcakton ligji dhe jo komisionari. PD-ja ka procedurat e veta të brendshme të miratimit të kandidatëve, sigurisht do ketë vendimmarrje të kryesisë së partisë dhe të Këshillit Kombëtar që do miratojë listën e kandidatëve. Patjetër që do thirret Këshilli Kombëtar. Vendimin e merr Kryesia e partisë dhe e certifikon në mënyrë përfundimtare Këshilli Kombëtar i PD-së”, tha ai.

Më tej z. Bardhi paralajmëroi se do ketë emra të rinj në listën e kandidatëve, për aq kohë sa një pjesë e drejtuesve politikë në qarqe janë emra të rinj: “Ndryshime ka për sa kohë ka emra të rinj si drejtues politikë”, shtoi ai.

Ndiqni diskutimin e plotë:

Lexoni gjithashtu:

Gazment Bardhi: Në Qarkun e Elbasanit, PD synon 8 mandate

Gazment Bardhi tregon se PD ka skualifikuar kandidatë me probleme që në fazën e parë

”Kriza politike prej mungesës së të majtës”, Adrian Thano: Asnjë palë s’ka moral për të qeverisur