Dorëzohet piano e vjedhur, karabinierët italianë në Shqipëri

Një piano me vlera të mëdha kulturore i ra në dorë një tregtari të vogël instrumentesh muzikore në Vorë.

Atij ia çuan dy të rinjtë në dyqan të cilëve në këmbim iu dha 2 bokse dëgjimi.

Gëzim Haxhiu vuri re se klavikorda nuk ishte një instrument i zakonshëm por e shekullit XVIII, pjesë e trashëgimisë kulturore italiane.

Lajmërimi i autoriteteve vuri në lëvizje edhe prokuroritë e Tiranës dhe Romës ku pas disa letërporosive u arrit të bëhej dorëzimi i pianos së vjedhur.

 “ Vlera e objektit është e rëndësishme në aspektin historik dhe mbi të gjithë në aspektin e identitetit. Është një vlerë kulturore që i përket një pasurie kombëtare që ishte në dispozicion të të gjithëve përfshirë konservatorit të Parmës dhe iu rikthehet të gjithë qytetarëve italianë dhe pasurisë kulturore kombëtare. Babai im ishte arbëresh (flet shqip), prandaj jam shumë I lidhur me Shqipërinë. Mendoj që bashkëpunimi mes dy vendeve tona është I rëndësishëm. E shohim njëri-tjetrin nga dy brigjet e përbashkët të detit. Mund të bashkëpunojmë së bashku. Ky rezultat i sotëm është parathënia për punën që do të bëjmë së bashku, edhe për një formacion të bashkimit, të specializuar që merret profesionalisht me vlerat kulturore,” – u shpreh Roberto Riccardi, komandant i karabinierisë italiane.

LEXONI GJITHASHTU:

• Dy fëmijët me sindromën Down ndjekin pasionin e tyre për pianon