Dosja Sterilizimi. GJKKO merr vendimin: Beqaj mos të mbyllet në kafaz

Gjykata e Posaçme pranoi kërkesën e ish-ministrit të Shëndetësisë Ilir Beqaj për ta nxjerrë nga kafazi i xhamit dhe për qëndruar pranë avokatit të tij gjatë gjykimit të çështjes së sterilizimit. Kjo u argumentua me faktin se ndaj tij nuk ka masë sigurie për këtë dosje, se është vetëm një i pandehur, numri i pjesëmarrësve në sallë është i vogël si dhe për shkak të sjelljes së mirë të tij.

Gjithashtu, gjykata vendosi të njoftojë Drejtorinë e Burgjeve për zbatimin e urdhrit përkatës dhe seanca u shty për në datën 21 maj me qëllim që Beqja të jetë i pranishëm dhe të qëndrojë pranë avokatit gjatë paraqitjes së kërkesave të tjera.

Beqaj ndërkohë akuzohet dhe ka masë sigurie arrest në burg, për abuzimin me donacionet e huaja, në atë që njihet si dosja ‘SASPAC’.