Dosja Uber, Macron dhe disa politikanë ndihmuan në fshehtësi kompaninë

Një publikim i dosjeve konfidenciale ka zbuluar se si shërbimi i udhëtimeve Uber loboi për disa liderë politikë për të përfituar nga  ligjet e punës, ndërsa kompania e transportit u fut në mënyrë agresive në tregjet në mbarë botën.

Sipas Konsorciumit Ndërkombëtar të Gazetarëve Hulumtues, të ashtuquajturat “Dosjet UBER” shtrihen në një periudhë pesëvjeçare kur kompania drejtohej nga bashkëthemeluesi i saj Travis Kalanick.

Ata zbulojnë, për herë të parë, se si një buxhet prej 90 milionë dollarësh në vit për lobimin dhe marrëdhëniet me publikun financoi përpjekjet për t’i bërë politikanët e lartë  në të gjithë Evropën të lehtësojnë rregullat e punësimit.

Ministri i atëhershëm i Ekonomisë i Francës, sot në detyrën e presidentit Emmanuel Macron ishte në mesin e atyre  që përmenden në dosje së bashku me ish-komisioneren e BE-së Neelie Kroes.

Ndërsa disa qeveri e shihnin Uber-in si një burim për të forcuar pushtetin  dhe kishin shumë nevojë për punë të reja, shoferët e taksive si ata në Paris dhe qytete të tjera organizuan protesta , shpeshherë edhe të dhunshme kundër kompanisë.

Për shumë, modeli i biznesit Uber ishte sinonim i pasigurisë në punë. Uber thotë se “sjellja e saj në të kaluarën nuk është në përputhje me vlerat aktuale” dhe ajo sot  është një “kompani e ndryshe”.

LEXONI GJITHASHTU

• Kryeministri spanjoll, në shënjestër të përgjimeve me programin ‘Pegasus’
• Macron në listën e zyrtarëve të përgjuar nga programi ‘Pegasus’