Kryeministri i emëruar, Dritan Abazoviç këtë të mërkurë ka prezantuar zyrtarisht përbërjen e qeverisë së re të Malit të Zi.
- Advertisement -
Në përbërje të listës së bërë publike nga mediat lokale janë 4 zv.kryeministra, 18 ministra dhe dy ministra të tjerë pa portofol.
Abazoviç pritet të zgjidhet kryetari i qeverisë së 43-të të Malit të Zi.
Votimi në parlament pritet të mbahet të enjten.
Në këtë kabinet do të jetë dy ministra shqiptarë. Ministria e Administratës Publike, do të drejtohet nga Marash Dukaj dhe Ministria e të Drejtave të Njeriut dhe të Pakicave, nga Fatmir Gjeka.
Gjeka, i lindur në Tivar më 1975, i diplomuar për ekonomi, ka qenë ish-kryetar i Komunës së Ulqinit dhe aktualisht është deputet i Kuvendit të Malit të Zi.
