Dritan Abazoviç takon Papën: Mali i Zi dhe Vatikani në lidhje mijëravjeçare

Kryeministri i Malit të Zi në mandatin e tij teknik, Dritan Abazoviç, ka takuar kreun e Kishës Katolike Romake, Papa Françeskun, në fillim të vizitës së tij zyrtare dyditore në Selinë e Shenjtë, me ftesë të Papës.

“Mali i Zi dhe Vatikani janë të lidhur me lidhje mijëravjeçare të karakterit universal, nga të cilat lindi një trashëgimi e pasur kulturore dhe historike”, tha Kryeministria, shkruan Euronews Serbia.

Pas takimit me Papa Françeskun, Abazoviç tha se Mali i Zi mund të jetë një vend ku do të zhvillohen takimet e liderëve të mëdhenj fetarë të botës, të cilët në këtë moment duhet të bëjnë një përpjekje dhe përgjegjësi shtesë për të promovuar idenë e paqes në botë.

“Mali i Zi mund të jetë një vend ku bashkohen mendimet, kulturat dhe traditat e ndryshme, por në një mënyrë që promovon vlerat universale të demokracisë dhe dialogut”, tha Abazoviç, transmeton Mina.

LEXONI  GJITHASHTU:

• Gjukanoviç: Abazoviç të zgjohet nga gjumi, s’ka legjimitet për të përcaktuar asgjë
• Abazoviç: Kuvendi të votojë për shkarkimin e presidentit Gjukanoviç