Dërgohet në spital nën masa të rrepta sigurie vrasësi i katër policëve, Dritan Dajti

23 Shtator 2021 | 07:00

Dritan Dajti, i dënuar me 25 vite burg për vrasjen e katër policëve në Durrës, u dërgua mbrëmjen e së mërkurës në spital në gjendje të rënduar shëndetësore.

I shoqëruar nga punonjës të shumtë të policisë, Dajti është dërguar në spitalin e burgut në mjediset e Qendrës Spitalore Universitare “Nënë Tereza”. Nuk ka informacione të sakta për gjendjen e tij shëndetësore.

Dajti, 50 vjeç, nuk ka gëzuar shëndet të mirë vitet e fundit. Në muajin shkurt ai qe prekur nga COVID-19 dhe u detyrua të shtrohej në spitalin infektiv në QSUT. Ndërsa dy vite më parë iu nënshtrua një operacioni për gurë në veshka.

I konsideruar si person me rrezikshmëri të lartë, Dajti u dënua me 25 vite burg për vrasjet e policëve Fatos Xhani, Sajmir Duçkollari, Altin Dizdari dhe Kastriot Feskaj. Katër punonjësit e policisë u vranë nga Dajti më 7 gusht 2009 teksa ishin në një operacion për ta arrestuar.

Çështja gjyqësore ndaj tij zgjati plot 10 vite. Në Gjykatën e Shkallës së Parë ai u dënua me burgim të përjetshëm, mirëpo në Shkallën e Dytë ky dënim u kthye në 25 vite burg dhe Apeli më pas, në vitin 2019, e la në fuqi.

Dajti ishte në kërkim në vitin 2009 pasi qe arratisur nga paraburgimi më 17 nëntor 2003 teksa po gjykohej për vrasjen e sipërmarrësit Agim Beqa, vrasje e ndodhur në vitin 1999.

Home Kryefaqja
Shiko në: YouTube
Lajme të Sugjeruara

Zbulohen dy planetë gjigantë “super-puffs”

Astronomët kanë zbuluar dy planetë gjigantë shumë të veçantë, të quajtur “super-puffs” të cilët kanë madhësinë e Jupiterit, por një dendësi tepër të ulët, duke...
20:51 | 25/06/2026

Protestuesit ritheksojnë kërkesat: Dorëheqja e Ramës dhe qeveri teknike

Për të katërtën ditë radhazi, protestuesit e mbledhur para Kryeministrisë kanë ritheksuar kërkesat e tyre drejtuar qeverisë. Këtë herë ishte Sidorela Vatnikaj ajo që lexoi...
20:04 | 25/06/2026

Berisha: PD bën thirrje për çdo shqiptar të mbështesë ndryshimin

Kreu i Partisë Demokratike, Sali Berisha, ka shprehur se PD mbështet plotësisht protestën rinore qytetare dhe kërkesat e saj, duke vlerësuar gjithashtu letrën e nënshkruar...
19:58 | 25/06/2026