Drogë e grabitje, si u bë universiteti grek ‘strofkë’ kriminelësh. Roli i shqiptarit

Miti që shqiptari Esmin Ferhati kishte ndërtuar gjatë pesë viteve të fundit, rreth pseudonimit të tij “Esko”, e lejoi atë të rekrutonte dhe të kontrollonte të rinjtë që kishin një histori si fansa të dhunës, si dhe ish të burgosur, të krijonte një rrjet organizatash që funksiononin me anë të komunikimit.

Mediat e huaja shkruajnë se nuk është rastësi që tre banditë shqiptarë të cilët ndodheshin rreth tij, ishin liruar nga burgu një vit më parë, pas gati dhjetë vitesh burg, për pjesëmarrje në bandën e përdhunuesve që vepronin në periferitë jugore.

Një pjesë e madhe e grabitjeve dhe trafikut të drogës vinin nga banesat e studentëve.

Por ajo që paraqet shumë interes janë punët e mëdha të 30-vjeçarit shqiptar, pasi po hetohet mundësia që ai të jetë pronari i të paktën tre bizneseve në Athinë.

Në artikullin e mediave greke, thuhet se zbulimi i tre bandave që e kishin shndërruar Universitetin Politeknik në një fole kriminelësh mizorë, nga Nëndrejtoria e Sigurimit të Athinës, do të zbardhë një sërë grabitjesh dhe veprimesh të tjera kriminale.

Hapat që do ndjekin autoritetet për zbulimin e veprimtarive kriminale

Hapi i parë në këtë drejtim janë rezultatet e testeve balistike mbi armët e gjetura.

Hapi i dytë është hapja e celularëve të personave të përfshirë, pasi nga të dhënat dhe kontaktet do të gjenden anëtarë të panjohur të grupeve kriminale, por edhe persona të tjerë me të cilët kanë pasur transaksione, kryesisht në lidhje me marrëveshjet me trafikun e drogës.

Në të njëjtën kohë po hetohen kontaktet e polices 22-vjeçare në provë të departamentit Zografou, e cila “dogji” dy ​​operacione të policisë, duke u dhënë informacion bandave nëpërmjet partnerit të saj shqiptar për forcat e policisë dhe lëvizjet e tyre.

Po shqyrtohet gjithashtu mundësia e përfshirjes të personave të tjerë në “shërbimin inteligjent” të organizatave kriminale.

LEXONI GJITHASHTU: 

• Kishte rrëmbyer dhe djalin e gazetarit, e shkuara e shqiptarit që u plagos në Athinë
• Oficerja qëllon me armë zjarri 30-vjeçarin shqiptar në Athinë