Dronët “i nxjerrin zbuluar” ndërsa po kultivonin kanabis, në kërkim 2 persona

Dy persona janë zbuluar nga dronët ndërsa po tentonin për të hedhur në tokë, fidanët kanabis që kishin të kultivuar në kubikë.

Kontrolle intensive nga toka dhe ajri, për parandalimin, evidentimin dhe goditjen e tentativave për kultivim të bimëve narkotike janë zhvilluar në Krujë në kuadër të operacionit policor antikanabis të koduar “Territor i pastër”.

Sipas njoftimit të policisë është identifikuar njëri nga personat, L. M., 35 vjeç, banues në fshatin Cudhi, ndërsa po punohet për identifikimin e tjetrit dhe kapjen e të dyve.

Gjithashtu policia ka njoftuar se janë asgjësuar 224 fidanë të kultivuar në kubikë .

“Identifikohet dhe shpallet në kërkim njëri nga autorët, vijon puna për identifikimin e autorit tjetër.

Ndërkohë, shërbimet e Policisë vijojnë ndjekjen në zonën e pyllëzuar, për kapjen dhe vënien e tyre në pranga.

Shërbimet e Policisë, nëpërmjet dronëve, kanë evidentuar në një zonë të pyllëzuar të njësisë administrative Cudhi, në territorin e  pyllëzuar të fshatit Cudhi, 2 shtetas në tentativë për të hedhur në tokë, fidanët  kanabis që kishin të kultivuar në kubikë.

Falë veprimeve të shpejta hetimore dhe informacioneve të marra, u bë i mundur identifikimi dhe shpallja në kërkim e njërit prej autorëve, konkretisht shtetasit L. M., 35 vjeç, banues në fshatin Cudhi.

Vijon puna për identifikimin e shtetasit tjetër dhe për kapjen e tyre”,-thuhet në njoftimin e policisë.

LEXONI GJITHASHTU:

• Kosova për urën mbi Ibër: Heqja e pengesave të lëvizjes, vendim i drejtë
• Çelja e sezonit turistik, gazetarja: Ja cilat janë atraksionet kryesore në Elbasan