Dronët rusë godasin një qendër strehimi në Ukrainë, 5 viktima

Të paktën pesë persona u vranë nga një sulm rus në qytetin e Kostiantinivka në rajonin lindor të Donjeckut më 24 mars, njoftoi shërbimi i urgjencës së Ukrainës.

Raketa e lëshuar nga një sistem kundërajror S-300 goditi një qendër strehimi humanitare në këtë qytet, dhe në mesin e të vrarëve ishin tri gra që po strehoheshin aty, shkruan REL.

Kjo qendër ishte ngritur për të ofruar një vend me shërbime bazë, si energji elektrike, ujë dhe ngrohje për të zhvendosurit nga luftimet në rajon.

Përgjatë natës, Rusia nisi një valë të re sulmesh me dronë në qytetin Krivi Rih në rajonin e Dnipropetrovsk të Ukrainës, tha guvernatori i këtij rajoni më 24 mars, teksa alarmet për sulme ajrore u lëshuan përgjatë gjithë vendit.

Në të njëjtën kohë, luftime të ashpra mes forcave ruse dhe ukrainase u zhvilluan përreth qytetit lindor të Bakmutit.