Droni ukrainas goditi një depo nafte ruse, 150 ekipe shpëtimi luftojnë me zjarrin

Rreth 150 ekipe shpëtimi dhe 40 pajisje emergjente po luftojnë për të dytën ditë me një zjarr të shkaktuar në një depo nafte në qytetin rus të Penzës, pas rënies së mbeturinave të një droni ukrainas në territorin e depos, njoftoi të shtunën guvernatori i rajonit, Oleg Melnichenko.

“Detyra më e rëndësishme është të frenojmë zjarrin. Ne duhet të luftojmë jo vetëm me flakët, por edhe me motin e ftohtë,” shkroi Melnichenko në Telegram, duke shtuar se u ngrit një pikë ngrohjeje për ekipet e shpëtimit. Fatmirësisht, asnjë person nuk u lëndua gjatë incidentit.

Sipas autoriteteve, sistemet e mbrojtjes ajrore shkatërruan katër dronë ukrainas mbi rajonin e Penzës më 23 janar, por mbetjet e njërit ranë në depos së naftës dhe shkaktuan zjarrin. Veçoria e këtij lloji zjarri është se produktet e naftës duhet të digjen plotësisht para se të mund të shuhen.

Për momentin, zjarrfikësit dhe ekipet e emergjencës vijojnë përpjekjet për të kontrolluar flakët dhe për të parandaluar përhapjen e tyre.