“Dua motrën dhe mbesat e mia”- Familjarët e pengjeve në Gaza në ankth për të afërmit

Rreth 100 familjeve u është thënë se të dashurit e tyre janë në Gaza pasi u rrëmbyen nga militantët e Hamasit. Fati i tyre është i paqartë. Sulmet izraelite kanë tronditur vazhdimisht Gazën çdo katër orë, duke i kthyer godinat në gërmadha. Por situata e pengjeve është ndryshe. Ata janë si izraelitë edhe të huaj.

Anëtarë të familjes së Liorit janë mes atyre që konsiderohen të zhdukur.

Lior Katz Natanzon, nënë e një vajze të rrëmbyer deklaron: “Nuk mund ta mbaj mendjen gjatë atje sepse ndryshe do të shkatërrohem. Dua nënën time, motrën time dhe mbesat i dua këtu. Nuk e kuptoj sesi mundi të ndodhte ky makth”.

12-vjeçari Eitan, shtetas francez, ishte bashkë me të motrën në shtëpinë e saj, pak qindra metra nga Gaza. Ata u rrëmbyen ditën e shtunë bashkë me nënën e tyre nga njerëzit e Hamasit, në bordin e dy motorëve.

Motra dhe nëna e Eitanit arritën të arratiseshin, por djaloshi i vogël me siguri është transportuar në Gaza.

Ayala Yahalomi Luzon, tezja e 12-vjeçarit deklaroi:

“Motori me të ëmën ndaloi, ndërsa ai me Eitanin vazhdoi rrugën. Nga ai moment, ne nuk dimë asgjë për të. Ai ishte kontakti i fundit pamor që e ëma e Eitanit pati me të birin. Ata po flinin në momentin kur u rrëmbyen”.

Familjarët e shumë pengjeve amerikano-izraelitë po kërkojnë ndihmë nga qeveritë e Shteteve të Bashkuara dhe Izraelit.

Ayana Neta, vajza e Adrienne që u rrëmbye nga Hamasi: “Nëna ime është e jashtëzakonshme. Ajo e ka kaluar pjesën dërrmuese të jetës së saj si infermiere në komunitet dhe më pas në spital. Ajo shihte njeriun që kishte përpara, jo besimin fetar, apo racën e tij”.

LEXONI GJITHASHTU:

• Forcat Ajrore izraelite konfirmojnë sulmin ndaj Universitetit Islamik në Gaza
• “Jemi 4 km nga kufiri”, çifti izraelit: Kështu duket Gaza nga ballkoni ynë