Dy 15-vjeçarë përplasen për vdekje nga treni në Itali, njëri prej tyre shqiptar

Një ngjarje tragjike ka ndodhur mbrëmjen e djeshme në rajonin e Lombardisë.

Mediat italiane bëjnë me dije se dy të rinj 15-vjeçarë kanë humbur jetën nën shinat e trenit ndërsa po kapërcenin binarët.

Mësohet se njëri nga viktimat është shqiptar.

Bëhet fjalë për të riun nga Kosova Meriton Ajeti 15 vjeç.

Ai humbi jetën në stacionin Pietro Berbenno, së bashku me shokun e tij Manuel Gabriel Tejada Reyes kanë kapërcyer murin rrethues të stacionit për duke evituar nënkalimin për udhëtarët, gjë që i ka kushtuar jetën.

Një tren në tranzit me shpejtësi 80 km në orë, që po kalonte në ato caste nuk ka mundur të ndaloj në kohë për të evituar tragjedinë. Dy të rinjtë kanë humbur jetën në këtë aksident tragjik e pas një ditë argëtimi që kishin kaluar në Luna Park.

I riu kosovar është djali i një familje emigrantësh e kishte pasion futbollin. Ai luante me skuadrën e të rinjve në një klub të Sondrios. Kjo ngjarje e rëndë ka prekur banorët e Sondrios e gjithë komunitetin e shqiptarëve që jetojnë atje.

Ndër 2000 emigrantë që jetojnë në këtë qytezë me rreth 21 mijë banorë, mbi 200 janë shtetas kosovarë e shqiptarë.

LEXONI GJITHASHTU: 

• Falsifikoi dokumentet për pronat, arrestohet ish-punonjësi i Kadastrës në Lushnje
• “Nga Mali i Zi për 2 minuta”, miratohet pr.ligji për ndërtimin e Urës së Bunës