“Dy engjëj në qiellin e pistë”, Kurti reagon për vrasjen e gruas shtatzënë

Kreu i qeverisë së Kosovës Albin Kurti ka reaguar në lidhje me vrasjen e 35-vjeçares në Kosovë para QKUK-së në Prishtinë e cila ishte shtatzënë.

Në një postim që ka bërë në rrjetet sociale, Kurti thotë se vrasja është e papranueshme dhe e padurueshme ndër shton se vdiq një nënë që po sillte një jetë tjetër.

“Dy engjëj në qiellin e pistë. Vrasje mizore. U vra edhe një grua. Edhe kjo nga burri i saj. Në oborr të spitalit. Atje ku duhet të shërohen njerëzit. Në oborr të Klinikës Gjinekologjike. Atje ku lindin gratë. U shua një jetë që po sillte edhe një jetë tjetër. Gruaja ishte shtatzënë. Rreth 35 vjeç, as në gjysmë të jetës së saj.

E fëmija që ajo donte ta lindte as nuk e filloi jetën. Vrasës mizor. Edhe një burrë që qëllon mbi gruan që duhej ta mbronte. Edhe një burrë që vret një grua. E cila tash është e jona, e të gjithë neve. Bashkë me foshnjen e palindur të saj. Dy qytetarë të Kosovës më pak, dy shqiptarë më pak, do të jenë duke menduar armiqtë tanë. E papranueshme dhe e padurueshme”- shkruan Kurti.

LEXONI GJITHASHTU: 

• Bien nga banesa, vdes 85-vjeçarja në Tiranë dhe 68-vjeçarja në Korçë
• Vritet brenda spitalit 35 vjeçarja shtatzënë në Kosovë