Dyfish të ardhura për 10 njerëzit më të pasur në botë gjatë pandemisë

10 njerëzit më të pasur në botë dyfishuan të ardhurat e tyre gjatë pandemisë.

Kjo u bë me dije nga një raport i Oxfam, i cili shtonte se të ardhurat e 99% të popullsisë kanë rënë në po të njëjtën periudhë.

Organizata bamirëse kundër varfërisë zakonisht publikon raportin e saj për pabarazinë përpara Forumit Ekonomik Botëror në Davos.

Sipas Oxfam, një miliarder i ri është krijuar pothuajse çdo ditë që nga shpërthimi i pandemisë në mars 2020. Pasuria e 10 njerëzve më të pasur në botë, përfshirë Elon Musk, Jeff Bezos dhe Bill Gates, u dyfishuan në 1.5 trilion dollarë (1.3 trilion euro ), duke i bërë ata gjashtë herë më të pasur se 3.1 miliardë njerëzit më të varfër në botë.

Radhët e super të pasurve janë rritur gjatë pandemisë falë stimujve të bollshëm financiarë që pompuan stoqet, shpjegoi raporti.

“Pandemia ka qenë një pasuri miliarderësh,” tha Drejtoresha Ekzekutive e Oxfam International, Gabriela Bucher.

“Kur qeveritë bënë paketat e shpëtimit dhe pompuan triliona në ekonomi dhe në tregjet financiare në mënyrë që të mbështesin ekonominë për të gjithë, ajo që ndodhi është se shumë prej tyre shkuan në xhepat e miliarderëve,” shtoi ajo.