Gjendja shëndetësore e disidentit rus Alexei Navalny po përkeqësohet dita-ditës.
Lajmin e ka bërë me dije zëdhënësja e tij, Kira Yarmish në një postim në rrjetet sociale, duke thënë se nuk përjashtojnë mundësinë që gjatë kohës në burg ai mund të jetë helmuar.
“Në 15 ditët e fundit në izolim kreu i opozitës ruse në burg që nga janari i vitit 2021, ka humbur 8 kilogramë.
Kur Alexei e pyet se nga çfarë vuante, mjeku i burgut u përgjigj duke u tallur se është sezoni i pranverës tani dhe të gjithë kanë alergji.”
Nuk përjashtojmë mundësinë që gjatë gjithë kësaj kohe në burg ai mund të jetë helmuar, duke i përkeqësuar shëndetin pak e nga pak,” tha ajo.
Vetë Navalny, denoncoi ditën e djeshme në një mesazh në Twitter, kufizimet e vazhdueshme që kishte gjatë kohës që ishte në burg.
Ndër këto, ndalimi për të ecur jashtë qelisë pasdite, thelbësor për shëndetin dhe për të shijuar pak dritën e diellit, që mungon në orën shtatë të mëngjesit në të ftohtë dhe pothuajse në errësirë.
Ata reduktuan edhe kuotën ditore të parave për të blerë diçka nga brenda burgut.
LEXONI GJITHASHTU:
