E ardhmja e Gazës, Blinken takime në Lindjen e Mesme. Liderët arabë skeptikë

Sekretari amerikan i Shtetit, Antony Blinken u përpoq të siguronte mbështetje për planifikimin e një të ardhmeje për Gazën, në takimin e zhvilluar të shtunën me liderët arabë.

Sipas mediave ndërkombëtare, bisedimet e zhvilluara në kryeqytetin e Jordanisë ishin të vështira, pasi liderët arabë shprehën dyshime mbi qëllimet e Izraelit, që po intensifikon operacionet luftarake.

Gjatë qëndrimit në Lindjen e Mesme, Blinken u takua edhe me kreun Agjencisë së OKB-së për shpërndarjen e ndihmave humanitare, të cilit i shprehu vlerësimet e tij për punën e bërë për t’u ardhur në ndihmë palestinezëve.

“Mijëra vetë po vënë jetën në rrezik çdo ditë duke ardhur në punë për të ndihmuar njerëzit. Kam një admirim të jashtëzakonshëm për kurajën që po tregojnë”, deklaoi Blinken

Agjencia ka humbur 72 anëtarë të stafit të cilët kanë mbetur  të vrarë në luftë dhe ka denoncuar gjithashtu se po i mbarojnë rezervat me ushqim, medikamente dhe karburant.

LEXONI GJITHASHTU:

• Erdogan: Pas luftës, Gaza duhet të jetë pjesë e një shteti të pavarur palestinez
• Blinken, thirrje Izraelit të bëjë më shumë për të mbrojtur civilët palestinezë