E gjithë bota solidarizohet me Turqinë, Biden jep urdhrin për ndihmë

6 Shkurt 2023 | 09:29

Më shumë se 560 persona kanë humbur jetën në Turqi dhe Siri dhe mijera jane plagosur pasi një tërmet i magnitudës 7.8 ballë tronditi mëngjesin e sotëm pjesën juglindore të Turqisë, në kufi me Sirinë.  Numri i viktimave pritet të jetë dhe më i lartë pasi dëmet raportohet se janë katastrofike dhe shumë njerëz kanë mbetur në rrënoja.  Ministria e Shëndetësisë në Siri bën me dije se 237 persona kanë humbur jetën dhe mbi 600 të tjerë janë plagosur.

Operacionet e kërkimi shpetimit kanë nisur mes temperaturave teper te ulëta.

Turqia ka shpallur gjendjen e emergjencës dhe u ka  bërë thirrje njerëzve të mos përdorin celularët që zjarrfikësit të koordinohen më lehtë mes tyre.

Miliona njerëz në Turqi, Siri, Liban, Qipo dhe Izrael kanë ndier lëkundjet ndërsa epiqendra e tërmetit ishte në afërsi të qytetit turk të Gaziantep.

“Shpresojmë që së bashku ta kalojmë këtë fatkeqësi sa më shpejt dhe me sa më pak dëme”, u shpreh presidenti turk Erdogan në reagimin e tij të parë .

Ai tha se ekipet e kërkim-shpëtimit u dërguan menjëherë në zonat e prekura nga tërmeti dhe njësitë e tjera ishin në gatishmëri.

Shtetet e Bashkuara janë “thellësisht të shqetësuara” nga raportet e katastrofës, u shpreh  këshilltari amerikan për sigurinë kombëtare, Jake Sullivan. Presidenti i SHBA Joe Biden ka urdhëruar  agjencinë ndërkombëtare të zhvillimit të vendit të vlerësojë se si mund të ndihmojë në këto momente të vështira Turqinë dhe Sirinë.

Rajoni i prekur nga tërmeti  është historikisht i rrezikuar nga lëkundjet e tokës. Në vitin 1999 rreth 18,000 njerëz humbën jetën pasi  një seri tërmetesh prekën Turqinë veriore.

Por Disa ekspertë janë shprehur se  termeti i sotem  mund të jetë tërmeti më i madh i regjistruar në Turqi – aq i fortë sa ai që ndodhi mbi 80 vjet më parë.

Në një postim në rrjetin social Twitter Presidenti i Shqipërisë Bajram Begaj  shpreh ngushellimet për ngjarjen e rëndë ne Turqi

“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata!” shkruan Presidenti.

Qeveria e Republikës së Kosovës shpreh po ashtu ngushëllime për viktimat e tërmetit në Turqi dhe Siri

“Me dhimbje të madhe morëm lajmin për tërmetin që goditi Turqinë dhe Sirinë, ku humbën jetën shumë qytetarë dhe u shkaktuan dëme të mëdha materiale. Raportet e para tregojnë për pasoja jashtëzakonisht të mëdha në njerëz dhe në objekte banimi.

Qeveria e Republikës së Kosovës u shpreh ngushëllime familjarëve të viktimave të tërmetit. Shpresojmë që në orët në vijim të mos rritet numri i viktimave dhe të lënduarve u urojmë shërim.

Republika e Kosovës dhe populli i Kosovës në këto çaste të vështira janë në gatishmërinë më të lartë për mbështetje dhe solidaritet.

Ambasada e Republikës së Kosovës në Ankara do të vazhdojë të marrë informatat nga autoritetet vendore në Republikën e Turqisë nëse në qytetet e goditura kemi shtetas tanë dhe t’u ofrojë mbështetjen e nevojshme” thuhet ne njoftimin e qeverise.

Kryeministri holandez Mark Rutte ka njoftuar se një ekip holandez i kërkim-shpëtimit do t’i bashkohet kërkimit të të mbijetuarve në Turqi dhe Siri.

Në një postim në Twitter, ai ndau gjithashtu ngushëllimet e tij për presidentin e Turqisë Erdogan, duke thënë: “Mendimet janë me të gjitha viktimat e kësaj fatkeqësie të rëndë natyrore”. Kryeministri grek, Kyriakos Mitsotakis, tha se Greqia gjithashtu do të “mobilizojë burimet e saj” dhe do të ndihmojë zonat e prekura.  Udhëheqësit e Serbisë dhe Suedisë kanë premtuar gjithashtu se do të dërgojnë ndihmë në rajon.

LEXONI GJITHASHTU: 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026