‘E kam mbështetur kur premtonte zero ndërtime’, Bushati sqaron përplasjen me Veliajn

Analisti Andi Bushati thotë se kryebashkiaku i Tiranës Erion Veliaj e ka kthyer Tiranën në një qytet të pajetueshëm me miliona metra katrorë ndërtime gjatë 2 mandateve të tij.

Në një intervistë për Euronews Albania ku sqaroi përplasjen në rrjetet sociale që pati dy ditë më parë me Veliajn, Bushati u shpreh se e kishte mbështetur këtë të fundit në 2015 kur bënte fushatë me premtimin për zero ndërtime në Tiranë, por rezultoi krejt e kundërta.

“Kam diçka personale si qytetar i Tiranës, si njëri i angazhuar se nëse sot kemi një kryetar bashkie i cili ka qenë me mua në studio kur bënte fushatë në 2015 dhe bëri thirrje më votoni me sloganin 0 ndërtime në Tiranë dhe sot flitet për miliona metra katrorë dhe si qytetar i Tiranës kam diçka personale se qyteti im është më i shëmtuar, më i pisët, më vdekjeprurës se më parë. Pra, s’kam si mos ta kem personale, plus që kur e sheh si gazetar angazhimi është edhe më i madh”, tha Bushati.

LEXONI GJITHASHTU:

• Përplasja me Veliajn, Bushati: Merret me biografinë time, rri me fëmijët e Byrosë
• Duhen marrë armët kundër Ramës, s’ka rrugë tjetër, thotë Bushati