E ngarkuara me punë e Shteteve të Bashkuara, Nancy VanHorn, ka mbërritur mesditën e kësaj të marte në Ministrinë e Brendshme.
Ajo zhvilloi një takim të shkurtër me ministrin Ervin Hoxha, nuk dihet ende se çfarë është diskutuar mes diplomates amerikane dhe zyrtarit shqiptar, por kujtojmë se vizita e saj vjen një ditë pas arrestimit të presidentit të Partisë së Lirisë Ilir Meta.
Ky takim vjen pas një serie takimesh të VanHorn me zyrtarë të tjerë të rëndësishëm, përfshirë atë me kreun e Prokurorisë së Posaçme, Altin Dumani, disa ditë më parë.
Dumani gjithashtu është takuar këtë të martë me kreun e Policisë së Shtetit, Ilir Proda, për të diskutuar zhvillimet e fundit dhe thellimin e bashkëpunimit në luftën kundër korrupsionit dhe krimit të organizuar.
LEXONI GJITHASHTU:
- Një ditë pas arrestimit të Metës, Drejtori i Policisë takohet me Dumanin
- VanHorn takon kreun e SHISH, Ambasada e SHBA: Vlerësojmë partneritetin mes 2 vendeve
