E papunë me 3 fëmijë, a do ndryshojë jeta e Jonidës pas njohjes së viteve të punës?

Jonida është nënë e tre vajzave, më e madhja 5 vjeçe. Ajo nuk punon, nuk ka mbaruar as arsimin e mesëm. Jeta e saj i është dedikuar rritjes së fëmijëve.

Të ardhurat në familje i siguron vetëm bashkëshorti.

“Burri punon, unë do kujdesem për fëmijët, nuk kemi kush t’i i çojë e t’i i marrë. Burri merr 200 mijë lekë, nuk del sepse fëmijët duan libra fletore, rroba. Gocat kërkojnë më shumë rroba”, thotë Jonida.

Ashtu si të gjithë fëmijët, edhe tre vogëlushet e saj kanë dëshirat e tyre. Por 26-vjeçarja thotë se të ardhurat nuk mjaftojnë as për të kaluar muajin, jo më për dhurata.

“Varet nga rroga që merr burri, varet çfarë mund t’u plotësoj fëmijëve. Kur kemi ndonjë festë që i kam blerë çfarë më kanë kërkuar. Lodra më e shtrenjtë ka qenë 20 mijë lekë, ka qenë kukull”, tregon ajo.

Dëshira më e madhe e Jonidës, është që të paktën fëmijët e saj, të mos ndihen të diferencuar. Por ashtu si të ardhurat dhe shpresat janë të pakta.

Me vendim të Këshillit të Ministrave, nga janari, nënat me 3 ose më shumë fëmijë nën moshën 5 vjeç dhe që nuk punojnë, do t’u njihen vitet e punës. Tjetër kusht është që të ardhurat mujore familjare të mos kalojnë vlerën 100 mijë lekë.

LEXONI GJITHASHTU:

• Historia e nënës nga Selenica me 3 fëmijë të mitur që fitoi betejën me kancerin
• Lufta me vdekjen, historia e 57-vjeçares që ia doli të mposhte sëmundjen e rëndë