E veja e Navalny: Do të bëhem presidente e Rusisë kur Putin të largohet

Yulia Navalny, gruaja e disidentit të ndjerë rus dhe liderit të opozitës Alexei Navalny, ka konfirmuar se synon të bëhet presidente e Rusisë “kur Putini të mos jetë më në pushtet”, raportojnë mediat britanike.

Në një intervistë për BBC, Navalnya tha se këtë, si dhe shumë vendime të tjera, ajo e mori me bashkëshortin e saj Alexei dhe konfirmoi se ishte në dijeni të pretendimeve se ajo kërcënohet me arrest në Rusi nëse kthehet ndërsa presidenti Putin është ende në pushtet, sepse akuzohet për ekstremizëm.

Burri i saj, kritiku më i zëshëm i Putinit, u dënua me 19 vjet burg për ekstremizëm, por akuzat u konsideruan të motivuara politikisht. Alexei Navalny vdiq në shkurt të këtij viti në një koloni penale në veriun e largët të Rusisë, në Rrethin Arktik.

Me atë rast, presidenti amerikan Joe Biden tha se “nuk ka dyshim” se Putin është përgjegjës për vdekjen e Navalny, por Moska zyrtare mohon që Navalny të jetë vrarë.

Yulia Navalnya theksoi edhe një herë se nuk do të heqë dorë nga planet e saj për të vazhduar luftën për demokracinë në Rusi të udhëhequr nga bashkëshorti i saj i ndjerë.

LEXONI GJITHASHTU:

• Vajza e Navalny i bashkohet ekipit zgjedhor të Kamala Harris
• Navalny mund të ketë vdekur nga helmimi në burg, ç’tregojnë hetimet