E vrau sa mbërritën në Tiranë, del fotoja e vajzës që u ekezekutua nga i dashuri

Vajza që shihni në foton e mësipërme është 24-vjeçarja palestineze, e cila u vra nga bashkëshorti i saj pas mbërritjes nga Gjermania në Tiranë.

Çifti i palestinezëve prej disa vitesh jetonin në Mynih të Gjermanisë. Kamerat e sigurisë në Rinas kanë kapur momentin kur, më datë 19 shkurt, Fadi Alwan, së bashku me bashkëshorten e tij, Rayyan Alwan, kanë mbërritur në territorin shqiptar. Kjo ishte hera e parë që vizitonin Shqipërinë. Tek kontrolli i pasaportave kanë paraqitur dokumente greke.

Hetuesit dyshojnë se kemi të bëjmë me vrasje me paramendim. Autori, pas krimit, u largua nga Rinasi për në Athinë, më pas në drejtim të Holandës dhe, përmes transportit publik, udhëtoi për në Gjermani.

Policia ka arritur të identifikojë autorin e dyshuar të kësaj ngjarjeje përmes një telefonate. Ka qenë pronarja e banesës ajo që ka deklaruar se çifti e kishte telefonuar me një numër gjerman. Autoritetet tona kanë kontaktuar me oficerin e kontaktit në Gjermani dhe, pas verifikimeve, numri nuk ka qenë në emrin e 49-vjeçarit, por të një personi tjetër. Ky i fundit ka treguar se numri përdorej nga Fadi Alwan.

Nga këqyrja e kamerave të sigurisë rezulton se 49-vjeçari, pas kryerjes së krimit, u largua nga banesa më 22 shkurt dhe, po këtë ditë, është larguar në mbrëmje nga Rinasi drejt Greqisë.

Policia dyshon se bashkëshorti i saj e ka qëlluar për vdekje 24-vjeçaren ditën që është larguar nga Shqipëria dhe, fillimisht, e ka dhunuar, më pas e ka vrarë me thikë dhe e ka mbuluar me çarçaf.

Ende nuk dihen motivet e vrasjes, ndërkohë që policia po punon për zbardhjen e tyre.