Efektet e pandemisë në ekonomi, Endrit Yzeiraj: Brenda 2023 do arrijmë rikuperimin

Turizmi dhe sektori prodhues kanë qenë ndër më të ndëshkuarit e pandemisë.

Shifrat e referuara në raportin e fundit të Bankës së Shqipërisë, tregojnë për një rënie me 40.6 % te eksporteve.

Me rënie është shënuar edhe konsumi e investimet me 4.5 dhe 5.8 %, ku më të goditur kanë qenë sektorët e turizmit dhe industria përpunuese.

Për këtë gjendje të ekonomisë shqiptare, ekonomisti Endrit Yzeiraj tha për Euronews Albania se “ajo çka do të përcaktojë zhvillimin e ekonomisë gjatë këtij viti do të jenë masat e lidhura me minimizimin e pandemisë”.

Sipas tij janë masat kufizuesve ato që shkaktuan rënien ekonomike të vitit të kaluar.

Zoti Yzeiraj tha më tej se treguesit e parë të këtij viti na bëjnë që të jemi optimistë për zhvillimin ekonomik të vitit 2021.

“Tani mendojmë që brenda vitit 2022, 2023 do të ri-kapim trendin e vitit para pandemisë. Periudha e rikuperimit do të jetë më e shkurtër”, u shpreh ai.

Lexoni gjithashtu:

Banka e Shqipërisë: Lirimi i masave kufizuese ndikoi pozitivisht në ekonomi duke reduktuar efektet e pandemisë