Egjipti lejon Turqinë të ndërtojë spitale fushore pranë pikës kufitare Rafah

Një anije turke që transportonte materiale për spitalet fushore ka mbërritur në një port egjiptian pranë pikës kufitare Rafah.

Anija solli gjeneratorë, ambulanca dhe pajisje të tjera mjekësore në portin e Al Arish, me qëllim të krijimit të tetë spitaleve në terren, sipas AFP.

Është anija e parë e tillë ndihmash që arrin në Egjipt që nga lufta që shpërtheu më 7 tetor, kur Hamasi nisi një seri sulmesh ndaj Izraelit, duke vrarë 1200 njerëz dhe duke marrë peng më shumë se 200.

Organizata Botërore e Shëndetësisë thotë se spitali Al-Shifa në qytetin e Gazës “nuk po funksionon më si spital”. Objektet e tjera po raportojnë situata të ngjashme – mungesë furnizimesh dhe energjie, dhe një kërcënim gjithnjë i pranishëm për jetën për shkak të luftimeve.

Një zyrtar turk i shëndetësisë i tha AFP se Ankarasë i ishte dhënë drita jeshile nga autoritetet egjiptiane për të ndërtuar spitalet fushore në Al Arish, i cili shtrihet rreth 40 kilometra (25 milje) nga kufiri Rafah.

LEXONI GJITHASHTU:

• Balla në selinë e Interpol: Ti hapim rrugë ekstradimeve nga Dubai dhe Amerika Latine
• Kryetari i bashkisë Kuçovë drejt shkarkimit! Çfarë zbulon avokati