Kryetari i bashkisë Kuçovë drejt shkarkimit! Çfarë zbulon avokati

Avokati Arben Llangozi ishte këtë të hënë i ftuar në një intervistë për Euronews Albania për të folur rrethe një shkarkimi të mundshëm të kryebashkiakut të Kuçovës, Kreshnik Hajdari.

Sipas avokatit me shumë gjasa Hajdari ka për t’u shkarkuar të martën, pasi ai ka parqaitur një formular të falsifikuar ku ka fshehur se ka qenë i dënuar me vendim të formës së prerë të Gjykatës së Janinës, për kalim të paligjshëm kufiri. Sipas Avokatit falsifikimi i dokumentave është një  vepër penale e përsëritur nga krybashkiaku, ndaj shprehet se shkarkimi i tij nga ky post do të jetë i shpejtë.

“Në rastin aktual i referohemi rasteve të tjera analoge, si kryebashkiaku i Shkodrës,  që fitoi por nuk u mandatua, kemi edhe rastin e zotit Roshi, Elvis Roshi kryebashkiaku i Kavajës rezultoi i dënuar në shtetin Italian, më pas është arrestuar është proceduar penalisht në të njëjtat kushte si zoti Hajdari dhe më pas është shkarkuar.

Ne nuk jemi para faktit që kemi kusht ndalues apo jo të kandidimit të zotit Hajdari, por jemi para faktit që zoti Hajdari ka paraqitur një formular të falsifikuar apo të pavlefshëm në kuptim të ligjit për dekriminalizimin, duke kryer kështu edhe veprën penale të falsifikimit të formularit”,-tha avokati

LEXONI GJITHASHTU:

• Drejt shkarkimit? Prokuroria: Kryebashkiaku i Kuçovës rezulton i dënuar
• U rikthye në politikë pas 7-vitesh, Cameroon reagon pasi u emërua Sekretar i Jashtëm