Drejt shkarkimit? Prokuroria: Kryebashkiaku i Kuçovës rezulton i dënuar

Prokuroria e Përgjithshme ka përfunduar verifikimin e kryebashkiakut socialist të Kuçovës, Kreshnik Hajdari dhe ka dorëzuar në KQZ rezultatet e këtyre të dhënave.

Sipas burimeve nga Prokuroria, Hajdari nuk ka bërë asnjë deklarim në formular dhe i është përgjigjur të gjitha pyetjeve me JO.

Por sipas Prokurorisë, Hajdari rezulton të ketë qenë i dënuar me vendim të formës së prerë nga Gjykata e Janinës, për kalim të paligjshëm të kufirit me Greqinë.

Do të jetë Komisioni Qëndror i Zgjedhjeve i cili do të vendosë nëse Hajdari do të vijojë detyrën si kryebashkiak, apo Bashkia e Kuçovës do të hyjë në zgjedhje të reja.

KQZ ka tashmë në dorë edhe vendimin e Gjykatës së Janinës, para se të vendosë për Hajdarin.

LEXONI GJITHASHTU:

• Meta flet për Euronews Albania nga dyert e SPAK: U thirra për telenovelën CEZ-DIA
• “Ilir Kulla shkoi në SPAK për Metën”, gazetari zbërthen hetimet