Ndërsa lufta ka hyrë në vitin e dytë të saj dhe sanksionet perëndimore po rëndojnë më shumë, të ardhurat e qeverisë ruse janë tkurrur dhe ekonomia e vendit është zhvendosur në një trajketore rënieje, që ka gjasa të jetë afatgjatë.
Kështu thuhet në një artikull të “Wall Street Journal”, sipas të cilit ekonomia ruse është në prag të kolapsit.
Pjesa dërrmuese e përkeqësimit të situatës vjen nga basti i gabuar i presidentit Putin vitin e kaluar, kur ishte i bindur se do të mund të përdorte furnizimet energjetike ruse për të kufizuar mbështetjen e Evropës perëndimore ndaj Ukrainës.
Për pasojë, të ardhurat energjetike të qeverisë janë thuajse përgjysmuar në dy muajt e parë të këtij viti, ndërkohë që deficiti i bilancit është thelluar.
Hendeku fiskal ka prekur 34 miliardë dollarët në këto dy muaj, i barasvlefshëm me 1 të pestën e prodhimit ekonomik total të vendit.
Kjo, vijon “Wall Street Journal”, po detyron Moskën t’i drejtohet gjithnjë e më shumë fondit të saj sovran, një ndër kamerdaret kryesore kundër krizave.
Ndërkohë, Rubla ka rënë me mbi 20 për qind nga nëntori krahasuar me dollarin dhe forca e punës ka rënë pasi të rinjtë po dërgohen në frontin e luftës, ose po largohen nga vendi nga frika se mos rekrutohen.
LEXONI GJITHASHTU: