Ekskluzive | Pamje nga dëmet e zjarreve në Elbasan

Një zjarr i fuqishëm përfshiu kodrën e gjelbër në Elbasan ditën e djeshme, ku u dogj një sipërfaqe prej 20 hektarësh dhe mbi 1 mijë rrënjë ullinj.

Euronews Albania ka qenë në këtë zonë zonë ku ka parë nga afër dëmet e shkaktuar nga ky zjarr, ku e gjithë sipërfaqja ishte shkrumbuar.

Shefi i zjarrfikësve të Elbasanit u shpreh se vatra e zjarrit u aktivizua fillimisht në rrugën nacionale Elbasan-Tiranë, rreth orës 12 të drekës dhe mori përmasa të menjëhershme për shkak të bimësisë së thatë, temperaturave të larta dhe erës.

Ai bëri të ditur se zjarri u shua në mesnatë dhe se aktualisht po bëhet shuarja në ullinjtë që janë brenda parcelave të djegura.

Në këtë zonë, ka ende ka vatra të tjera që po menaxhohen nga grupe të tjera zjarrfikëse dhe vullnetare.

Mendohet se zjarri se është i qëllimshëm, pasi është hera e tretë që aktivizohet në të njëjtin vend dhe se është diçka e përsëritur.

LEXONI GJITHASHTU

• Digjet kurora e gjelbër e Elbasanit, në Nikël rrezikohen banesat
• Dom Gjergj Meta ngre alarmin për zjarret në Bukmirë: Po digjen vreshtat
• VIDEO | Zjarr në kufirin mes Shqipërisë dhe Greqisë