Eksperti Bajra: Hamasi në të njëjtën vijë me Iranin, beson në zhdukjen e Izraelit

Eksperti nga Londra, Emanuel Bajra i ftuar në emisionin “Balkan Talks” në Euronews Albania ka folur lidhur me Hamasin dhe ideologjinë e njëjtë me Iranin. Bajra theksoi se Hamasi është në të njëjtën vijë me Iranin dhe Hezbollahun dhe duan zhdukjen e shtetit të Izraelit.  Sipas tij ata ranë në kurthin e Izraelit dhe patjetër që ajo do të luajë çdo lojë të mundshme.

“Nuk ka urrejtje të botës arabe, myslimane ndaj Izraelit. Nuk e besoj, nuk ka evidenca veç diskursi i disa gazetave ekstremiste. Hamasi nuk është ideologji, ideologji është vllazëria myslimane e cila ka mbaruar me Hezbollahun dhe Hamasin.

Hamasi është grup terrorist i cili beson dhe është në të njejtën vijë me Iranin që beson në zhdukjen e shteti të Izraelit. Ky diskurs të kuptohet, nuk është i qartë në Evrope. Duhet të jemi të qartë nëse pozicionohemi dhe relativizojnë krimet e Hamasit, Intifada e parë dhe e dytë nga ku u ngacmua shteti Izraeli. Presidenti Clinton në vitin 93 e thotë në librin e tij që Arafati e shembi shpresën e Palestinës dhe u ngrit nga tavolian për një detaj të vogël.

Nuk ka ideologji Hamasi, është grup terrotist i Iranit së bashku me Hezbollatu për zdukjen e Izraelit. Ata ranë në kurthin e Izraleit. Por natyrisht që Izraeli do të luajë cdo lojë të mundshme”, tha ai.