Eksperti: Çfarë është Hamasi, pse i hapën luftë Izraelit me raketa

Eksperti i marrëdhënieve ndërkombëtare Dritan Hoti, ishte këtë të hënë i ftuar në emisionin “Now me Erla Mëhillin” për të folur rreth luftës që tashmë ka nisur mes Izraelit dhe grupit të Hamasit.

Hoti shpjegoi se çfarë është grupi i Hamasit, prapavijën ideologjike që ata ndjekin dhe arsyet se përse sulmuan tani.

“Hamasi ka përmbajtje ideologjike, është një version radikal i islamizmit. Hamasi është krijuar me objektiv për të zëvendësuar arafatin. Por Hamasi e ndërmori këtë sulm për dy- tre arsye, e para ka të bëjë me politikën e brendshme palestineze dhe e dyta ka të bëjë me atë që po luhet në lindjen e mesme.

Kemi tre vite që kemi një sërë marrëveshjesh normalizuese pra të marrëdhënieve nëpërmjet izraelit, Sudanit, emirateve të bashkuara Barenit dhe Arabisë Saudite. Pra evenimentet, një konstelacion i ri po tejkalonte gjendjen politike të Hamasit. Pra ka një prapavijë ushtarake ka dhe një prapavijë gjeo-politike në rajon”,-tha eksperti.

LEXONI GJITHASHTU:

• “Nga studio direkt në luftë”, rrëfimi prekës i kryerabinit të Shqipërisë
• Arrestohet shefi i komisariatit të Laçit/ Gëzim Çela e 2 të tjerë shpallen në kërkim