Ekspertja e arsimit: Na duhet një revolucion, jo vendime që hidhen si tullumbace

Irsa Ruçi, eksperte e arsimit tha në një intervistë në Euronews Albania se sistemi arsimore në Shqipëri ka dështuar dhe ka nevojë për ndërhyrje urgjente.

Ruçi u shpreh se është i nevojshëm një ndryshim rrënjësor përmes politikave afatgjata që të shërbejnë për të paktën 10 vitet e ardhshme.

“Duhet një ndryshim rrënjësor, duhet revolucion në arsim në këtë moment më shumë se kurrë. Në këto kohë ka arritur dështimi në atë pikë që nuk mban më. Duhen politika afatgjata që të shërbejnë jo vetëm sot për nesër. Ajo që më shqetëson në diskursin e ministrisë së arsimit janë vendimet e pamenduara të momentit, vendime shumë të vogla që hidhen si tullumbace dhe jo vendime që të shërbejnë për 5-10 vite. Arsimi nuk funksionin me politika 1-vjeçare, sistem i arsimor ka nevojë për politika që të jenë të paktën 10-vjeçare”, tha ekspertja.

LEXONI GJITHASHTU:

• Ish-ministri i Arsimit: Po emigrojnë 15-vjeçarët, nuk do njohin as himnin kombëtar
• Reshjet e dendura të shiut, ministrja e Arsimit njofton mbylljen e 56 shkollave