Ekspozohen në Tiranë pikturat e refugjatit sirian

Përjetimet e momenteve më të vështira të jetës në vendin e tij, artisti sirian Mohammad Ramadan, i ardhur në Shqipëri 5 muaj më parë, i ka rrëfyer në një ekspozitë.

Pasi la vendin ku u lind dhe u rrit, mori një rrugë të gjatë dhe të vështirë para, shoqëruesit e tij të vetme ishin tablotë të cilat ai i mori me vete në Shqipëri.

Personazhet e tij dhe ndjesitë e tij janë shprehur në ngjyrat e ftohta të punimeve.

“Standard i dyfishte” është emri i ekspozitës, ku krijuesi, pasojat e luftës në vendin amë, ka zgjedhur ta tregojë në këtë formë: njerëz të strukur në kuti që mezi i zë, të shtrënguar fort pas njëri tjetrit, në kërkim të mbrojtjes dhe ngrohtësisë.

Pikturat tregojnë fatin e tyre të lidhur me fatin e të tjerëve.

Dualtiteti qëndron te humbja dhe te shpresa, që artistin e shoqërojnë kudo.

E veçanta e kësaj ekspozite është teknika që ka përdorur artisti i ri sirian. Me sy të lirë ne shohim tablo me ngjyra të ftohta blu në të bardhë, por me negativ njerëzit marrin ngjyrën e tyre, dhe duket sikur jeta çel sërish.

Mohammad Ramadan në vitin 2018, u diplomua në Damask në  fakultetin e arteve ne departamentin e pikturës dhe fotografisë.