Zbardhen të tjera video nga plagosja me thikë në poliklinikën e Shkodrës, si nisi konflikti

Euronews Albania ka siguruar pamje të tjera nga konflikti i ndodhur në ambientet e Poliklinikës në lagjen “Vasil Shanto” në Shkodër, ku mbeti i plagosur 32-vjeçari Vildan Kepëca.

Nga pamjet duket se Agron Mehmeti, babai i Arvin Fregjaj, është personi që nis përleshjen, duke e goditur fillimisht me grushte 32-vjeçarin.

Më pas në konflikt përfshihet edhe 18-vjeçari Arvin Fregjaj, i cili, sipas pamjeve dhe hetimeve paraprake, nxjerr një thikë nga çanta e brezit (borseti) dhe e godet disa herë Vildan Kepëcën, duke e lënë të plagosur.

Për këtë ngjarje, Policia ka arrestuar babë e bir, të cilët akuzohen për veprën penale “Vrasja me dashje”, mbetur në tentativë, kryer në bashkëpunim, ndërsa hetimet vijojnë për zbardhjen e plotë të rrethanave të konfliktit.

Policia po ashtu ka arrestuar vellain e te plagosurit pasi tentoi te hakmerrej me arme zjarri pistolete per plagosjen e vellait te tij.