Elon Musk akuzon Apple për favorizim të OpenAI, paralajmëron padi

Elon Musk ka akuzuar Apple për shkelje të ligjeve antitrust dhe ka paralajmëruar se do të ndërmarrë veprime ligjore kundër saj. Ai pretendon se kompania pengon renditjen e drejtë të aplikacioneve të rrjetit të tij social X dhe mjetit të inteligjencës artificiale Grok në App Store, duke favorizuar OpenAI-në e drejtuar nga Sam Altman.

Sipas Musk, përjashtimi i aplikacioneve të tij nga seksioni “Must Have” është një shkelje e qartë e konkurrencës së ndershme. Aktualisht, ChatGPT i OpenAI është aplikacioni më i shkarkuar, ndërsa Grok renditet i gjashti.

Altman reagoi duke e quajtur deklaratën e Musk “befasuese” dhe e akuzoi atë për manipulim në favor të bizneseve të veta. Ky përplasje shton tensionet mes Musk dhe figurave të tjera publike si Altman dhe Presidenti i SHBA Donald Trump.

Konflikti me Apple ndodh në një periudhë ku kompanitë amerikane të AI janë nën lupë për mënyrën si menaxhojnë përfitimet nga investimet miliardëshe.

Apple, nga ana tjetër, është tashmë nën presion ligjor në SHBA dhe Europë për mënyrën si operon App Store-in. Deri tani, kompania nuk ka komentuar mbi akuzat e Musk.

LEXONI GJITHASHTU: 

• Tesla shpërblen Elon Musk me 29 miliardë dollarë aksione
• Ndërprerje globale në rrjetin e Elon Musk Starlink, mijëra përdorues pa internet