EMRI| Autor i tre vjedhjeve në Durrës, arrestohet 43-vjeçari

Policia e Durrësit ka vënë në pranga 43-vjeçarin Pavli Paco, i dyshuar si autori i tre vjedhjeve të kryera gjatë javës së fundit në banesa dhe biznese në qytet.

Shërbimet policore organizuan operacionin për identifikimin dhe arrestimin e tij. Hetimet zbuluan se më 14 shkurt 2025, ai kishte vjedhur disa pajisje në një biznes në lagjen nr. 18, ndërsa më 19 shkurt kishte kryer dy vjedhje të tjera, duke thyer xhamin e një automjeti për të marrë vegla pune në lagjen nr. 1 dhe duke grabitur një banesë në Porto Romano.

Autoritetet po vijojnë hetimet për të verifikuar nëse 43-vjeçari ka qenë i përfshirë edhe në vjedhje të tjera.

Materialet hetimore i janë referuar Prokurorisë së Durrësit për veprime të mëtejshme ligjore.

LEXONI GJITHASHTU:

• PAMJE| Merr flakë supermarketi në Durrës, shkrumbohet plotësisht
• Lëvizte i armatosur, arrestohet në Vlorë personi me rrezikshmëri të lartë (Emri)