EMRI| I plagosuri me armë zjarri mbërrin në spitalin e Beratit, detajet e para

Mbërrin në spitalin e Beratit një i plagosur me armë zjarri. I plagosuri është Xhuljano Goga, 27-vjeç, banues në lagjen “Uznovë” në Berat.

Ai ka mbërritur vetë në spital me mjetin e tij, i mbuluar me gjak por nuk ka treguar asgjë, se ku është plagosur dhe kush e ka plagosur.

Gjendja e tij është e rëndë, ai ndodhet në sallën e operacionit dhe do të transportohet drejt Spitalit të Traumës në Tiranë. Policia po punon për zbardhjen e ngjarjes.

Njoftimi i policisë

Në Spitalin Rajonal Berat, është paraqitur për ndihmë mjekësore shtetasi Xh.G., 27 vjeç, banues në Berat, i cili dyshohet se në rrethana ende të paqarta, është plagosur me armë zjarri në këmbë.

27 vjeçari në momentet e para të marrjes në pyetje, ka refuzuar të japë shpjegime në lidhje me rrethanat e ngjarjes.

Grupi hetimor vijon punën për zbardhjen e rrethanave të ngjarjes, identifikimin dhe kapjen e autorit

LEXONI GJITHASHTU:

• Ngjarja në Hamallaj/ reagon Nikolla: E dënueshme, solidarizohem me familjen Kaçi
• Ministri francez: Shkëputja ekonomike nga Kina është “iluzion”