Në GJKKO po zhvillohet seanca për masën e sigurisë për 10 të arrestuari gjatë operacionit të SPAK që zbuloi një rrjet ndërkombëtar të trafikimit dhe përpunimit të kokainës në Shqipëri.

Kolumbiani Hiwlen Ledezma Narvaez, dhe dy vanazuelianët Joze Ramon Zacarias Vasquez e Samuel Alfonso Moreno Serrano kanë pretenduar se nuk kanë lidhje me trafikimin e kokainës.

Ata janë shprehur para gjykatës se kanë ardhur në Shqipëri për turizëm dhe për të mbjellë flokët.

Gjatë një megaoperacioni të SPAK i shtrirë në disa qytete, u vunë në pranga 10 persona, 7 shqiptarë në rolin e financuesve dhe organizatorëve të trafikut ndërkombëtar të kokainës dhe 3 shtetas latin, 1 kolumbian dhe 2 venezuelas në rolin e “ekspertëve” që do të ekstraktonin/nxirrnin drogën nga lëkura e kriposur e kafshëve.

Pak ditë më parë, SPAK ka qenë në dijeni duke gjurmuar “mallin”. Ngarkesat janë nisur nga një vend i Amerikës Latine, kanë bërë transit në portet Italiane e më pas kanë mbërritur në Shqipëri. Në lëkurat e bagëtive të sekuestruara dyshohet se janë fshehur qindra kilogram kokainë e pastër e cila pasi të përpunohej në Shqipëri do t’i rritej volumi.

LEXONI GJITHASHTU:

• Pamjet brenda gjyqit, dalin para GJKKO të arrestuarit për laboratorët e kokainës
• Megaoperacioni i SPAK, gazetari zbardh itinerarin e ngarkesës së kokainës