Erdogan i del kundër Putinit: Ukraina e meriton të jetë në NATO

Presidenti i Ukrainës Volodymyr Zelenskyy, ka zhvilluar gjatë javës që lamë pas vizita në shumë vende të NATO-s për të marrë mbështetje në lidhje me samitin e ardhshëm të aleancës që pritet të mbahet më 11 dhe 12 korrik.

Bisedimet e tij të fundit ishin me presidentin turk Rexhep Tajip Erdogan, i cili ka qenë një ndërmjetës kryesor në konfliktin midis Rusisë dhe Ukrainës.

Pas takimit, Erdogan tha: “Pa dyshim, Ukraina e meriton të jetë në NATO”.

Një lajm i shmëpritur për presidentin Volodymyr Zelensky, i cili shpreson se samiti i javës së ardhshme do të shohë anëtarët e NATO-s të pohojnë mbështetjen e tyre për anëtarësimin e Ukrainës në aleancë.

Në një konferencë të përbashkët për shtyp, Zelenskyy tha se ishte “i lumtur të dëgjonte” mbështetjen e Erdoganit.

Ukraina nuk është në gjendje të bashkohet me aleancën ushtarake perëndimore ndërkohë që lufta vazhdon, por kërkon siguri se do të bëhet anëtare më pas.