Erdogan: Sulmi ndaj cisternave në Detin e Zi, një përshkallëzim shqetësues

Presidenti Rexhep Tajip Erdogan të hënën dënoi sulmet me dronë, të pretenduara nga Ukraina, ndaj cisternave me naftë që shkonin drejt Rusisë, pranë bregdetit të Detit të Zi të Turqisë.

Sips tij, lufta midis Rusisë dhe Ukrainës ka filluar qartë të kërcënojë sigurinë e lundrimit në Detin e Zi.

“Shënjestrimi i anijeve në Zonën tonë Ekonomike Ekskluzive të premten sinjalizon një përshkallëzim shqetësues. Ne nuk mund t’i justifikojmë këto sulme në asnjë mënyrë. Ne po u përcjellim paralajmërimet e nevojshme të gjitha palëve përkatëse në lidhje me incidente të tilla”, u tha Erdogan gazetarëve.

Turqia tha të shtunën se anija cisternë Virat, një anije cisternë që bën pjesë në të ashtuquajturën flotë në hije të Rusisë, u godit vonë të premten nga një anije pa pilot rreth 56 kilometra larg bregdetit të Turqisë.

LEXONI GJITHASHTU:

• Presidenti turk Erdogan: Izraeli shkel armëpushimin në Gaza duke sajuar arsye
• Papa Leo vizitë tre ditore në Ankara, do të takohet edhe me Erdogan