Erdogan thirrje Biden: Vërteto që plani i paqes në Gaza nuk është taktikë zgjedhore

Presidenti turk Rexhep Tajip Erdogan tha sot se presidenti amerikan Joe Bidend duhet të tregojë se plani i armëpushimit në Gaza nuk është vetëm “taktika e tij zgjedhore”.

Biden po i nënshtrohet një “testi sinqeriteti” në përfshirjen e tij në luftën në Rripin e Gazës, tha Erdogan në një deklaratë për gazetarët pas kthimit nga samiti i G7 në Itali.

Duhet të përcaktohet nëse plani i armëpushimit në enklavën palestineze, të cilin Biden e prezantoi, është pjesë e një “taktike zgjedhore” të llogaritur apo një përpjekje e sinqertë për t’i dhënë fund konfliktit, tha Erdogan.

Erdogan tha gjithashtu se Gjermania ka zbutur qëndrimin e saj për shitjen e avionëve luftarakë Eurofighter Typhoon në Turqi.

Turqia njoftoi në nëntor se po negocionte me Britaninë dhe Spanjën për të blerë aeroplanët, megjithëse Gjermania e kundërshtoi këtë ide.

Gjermania, si anëtare e konsorciumit që prodhon dhe shet aeroplanin, kundërshtoi shitjen e Eurofighter Ankarasë për shkak të shqetësimeve për gjendjen e të drejtave të njeriut dhe demokracisë në Turqi dhe pakënaqësisë me politikën turke ndaj Izraelit, trajtimin e kurdëve sirianë dhe ceshtje te tjera.

LEXONI GJITHASHTU:

• I fituar special i Melonit, Erdogan vizitë në Itali e Spanjë
• Kryeministri Kurti në Ankara, bisedon për marrëdhëniet dypalëshe me Erdogan