Erion Veliaj përshëndet fitoren e PS-së në njësinë 10

Në një deklaratë për mediat, kryetari i Bashkisë, Tiranë, Erion Veliaj shprehu kënaqësinë e tij për fitoren në njësinë 10.

Veliaj falënderoi mediat për punën e palodhur dhe raportimin e vazhdueshëm ndërkohë që tha se po përgatiteshin për fitore në 42 njësitë e Tiranës.

“Ndaj bashkë me kolegët e opozitës mendimin që ne kishim zgjedhje të shkëlqyera dje, ne ndajmë me ta mendimin se ne duhet të pranojmë rezultatin dhe ndajmë me ta mendimin se s’ka kohë për pushim, përfshirë dhe numëruesit,” – u shpreh kryebashkiaku.

Në fund të deklaratës së tij, Veliaj ttregoi se Partia Socialiste është e angazhuar maksimalisht për punën me orare të zgjatura, duke menduar, siç tha dhe vetë Veliaj, se sa më shpejt të mbyllet procesi dhe sa më korrekt të jetë numërimi, aq më shpejt mund të vijojë puna për vendin.

Teksa falënderoi ata që zgjodhën të votonin Partinë Socialiste, theksoi se do t’u shërbejnë me përulësi dhe atyre që kanë bindje të tjera politike.