“Është si Hitleri”- Pse Trump zgjodhi kundërshtarin e tij si krahun e djathtë

Donald Trump, i cili do të garojë sërish në zgjedhjet presidenciale në SHBA, zgjodhi senatorin e Ohajos, James Davide Vance, si kandidat për zëvendëspresident.

Në vitin 2016 Vence ishe një nga kundërshtarët më të ashpër të Trump në qëndrimet e tij publike.

Por megjitahtë mosmarrëveshjet duket se janë sheshuar dhe 39-vjeçari do të jetë zëvendësi i Trump në Shtëpinë e Bardhë në rast se Republikanët do të fitojnë zgjedhjet presidenciale që do të mbahen në nëntor.

Kush është JD Vance?

Vance lindi më 2 gusht 1984, në Middletoën Ohajo.

Ai është me origjinë skocezo-irlandeze. Prindërit e tij u divorcuan kur ai ishte i vogël. Menjëherë pas kësaj, ai u adoptua nga burri i tretë i nënës së tij.

Fëmijëria e Vance u shënua nga varfëria dhe abuzimi, dhe nëna e tij luftoi me varësinë nga droga.

Në vitin 2009 u diplomua për shkenca politike, në Universitetin Shtetëror të Ohajos.

Pas studimeve bachelor Vance ndoqi shkollën juridike në Yale.

Në vitin 2016, Harper botoi librin e Vance, Hillbilly Elegy, i cili u bë libri më i shitur në SHBA dhe e ktheu në një personazh publik.

Çfarë deklaronte Vance për Trump në 2016-ën

“Trump është budalla cinik sikurse ish-presidenti amerikan Richard Nixon, çka nuk do të ishte shumë keq madje mund të jetë e dobishme, apo është Hitleri i Amerikës”.

“Unë nuk mund ta duroj Trump!”

“Unë jam një djalë që nuk do të bëhem Kurrë me Trump!”

Pse Trump zgjodhi “ish-kundërshtarin” e tij?

• Miqësia me djalin e Trump, Donald Jr
• Origjina, nga Ohaio një shtet që Trum kërkon ta ketë të sigurt fitoren. Ndkimi që ka dhe te klasa punëtore te shtetet fqinje si pensilvania dhe Miçigani.
• Mosha, për të tërhequr elektoratin e ri
• Politika e Jashtme, pasi është kundër mbështetjes për Ukrainën dhe fokusimin e SHBA në indo-paqësor, kundër Kinës.
• Pikëpamjet kundër abortit dhe kundër emigracionit

LEXONI GJITHASHTU:

• Biden mbron retorikën e tij kundër Trumpit
• Shërbimi Sekret rrit masat e sigurisë pas sulmit ndaj Trumpit